وكالة الرأي العربي الإخبارية
أخر رساله
ديوان مسحراتي
***********
طمنيني ياحياتي
اوعي تنسي ذكرياتك
اوعي تنسي سنين وعدت
كنت شايفك وبحلاتك
طمنيني عن شعورك
لسه برضه زي مانتي
ولاطيفي خد إشاره
من جنابك
سيبتي ليه السكه فاتحه
بَعد رفضك إنه يجي
حتي جنبك او يزورك
يبقي حبي غيرك
هاستنظرك
واستني ردك
إنسي عِندك إنسي صدك
لو تقولي وحشتني
يوم سماعها من شفايفك
هابفي حاسس
إن كل الكون بحاله
الايدين بتنادي ليا
لجل فيها تضُمني
اصل حبك طوق نجاه
اصل قلبي لما شافك
قالي دي هي حياتك
قالي صح هي ديا
هي دي رفقة حياتك
انت صح ايوا صح الاتجاه
وإن عيشتك جنب منها
تبقي واهبه ليك حياه
طمنيني عن حالاتك
لسه برضه عامله عُزله
رافضه أي حروف مُغازله
لسه قاعده جوه أوضتك
ولابعد بُعادي عنك
ع السلالم رحتي نازله
طب قوليلي كُنتي ايه وبتعملي
لما كُنتي تدوري بين الرسايل
وتفتشي
لجل تقري وتعرفي
فيها ايه اول رساله بعتهالك
كات دموعي سايله مني
غصب عني
البُعاد عنك صعيب
كُنت باكتبها بنحيب
وبشعوري كتبتهالك
طمنيني لما كُنتي بتقري فيها
هل شعورك رق ليا
ولا لسه القسوه فيكي زي ماهيا
بس عارفه
قلبي حاسس
إنك انتي حنتيلي
اصله شافك ف المنام
ابتسامه فوق شفايفك
وانتي واقفه بتناديلي
خلي بالك
إن دي اخر رساله
بكره جايلك
جاي لابوكي اطلب ايديكي
جوه بيتنا
اشوف عينيكي ضي ليا
ولم ألمح ابتسامتك ابقي شايف
إن كل الكون بحاله بين إيديا
