أخر المستجدات
الرئيسية » أدب الكتاب » يا ربي اتطلع يا ربي اطلع…بقلم الشاعرة سامية حمارشة العنود

يا ربي اتطلع يا ربي اطلع…بقلم الشاعرة سامية حمارشة العنود

يا ربي اتطلع يا ربي اطلع ..
خشتنا صغيرة و الباب مخلع
عشيتنا مثل المظروب بمدفع..
لكنه عايش مثل المجنونا…

عالدلعونا و عالدعونا…
يا ربي الصبر جيبو لاهونا…..
….
يا ربي اتطلع إشو هالعيشة ..
حاراكة حرسي و انا درويشة..
و ممنوعن نسأل عن كيف و ليشي ..
و إلبجرؤ يسال صعب تلقونا….
….
يا ربي اطلع على لحوالي …
كلشي بنشرى غالي بالعالي..
يا رب محسن يرسل لي حوالة..
و اني من المحسن شاكر ممنونا…
….
يا ربي اطلع ما في بالداري.
لا لقمة خبز و لا ديناري ..
يا ربي الكريم غير لقداري..
لنوو بالعنا العمر مرهونا…
….
يا ربي اطلع شو مايل حالي .
لا عندي عمي و لا عندي خالي ..
يا ربي يحنوا كل الغوالي ..
و بالعمر مرة ييجوا يزورونا…
….
يا ربي اطلع وينهم إخواني ..
واحد بالغربة و واحد بيعاني ..
يا ربي تسمع دعوة وجداني ..
تسعد لمتهم هون و مش هونا ..
…..
يا ربي اطلع شادي بالوادي..
يهيجن عن دمعة صاحت بتنادي
يا ربي بيدك نصرتها بلادي …
بلكي ندلعنها بخير #الدلعونا
….
صباح الخيرات 🌹🌸
#ام محمود .. يعبد ..

اضف رد

لن يتم نشر البريد الإلكتروني . الحقول المطلوبة مشار لها بـ *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.