وكالة الرأي العربي الإخبارية
/ بين الورد أو لغمام
————————–/
(( الرايح رايح والماجي ماجي))
(زجل)
قالوا احرام
قالوا احلال
فتلوااا حبل من كتان حياتي
ايجبدوااا لمعاني
من ليٌام الغارقة
انساوا االسترة ياحفيظ الله
*نداوا على مول ااالزهو يزهى
بين الورد والزهر
والسواقي جارية
بناوا النشبة ايصيدوا المحال
ماااا صيدوااا لا ريم لا اغزال
بقات ااالشبكة عليهم شاهدة
ما اتكلموا ما ادواوا
ضربوا الطم سكتوا
الرايح رايح والماجي ماجي
*زغردات الحادقة فيهم غنات
اتكلموااا شي نسوان
مالك انت يا الصمكة؟
ابقات ترقص
حثى
اصبح االحال
طفى القنديل
طفات الشمعة
شهرزاد ياأنت.!
*اللي اعيا اتسل تابعو انعاس ليلة!
طلعت الشمس ضاحكة
قالت
كاان موسم و اللاٌ حركة
فين ايامكم يا رجال الله
الكحلة لينا االبيضة ليهم
جمعوااا خيامكم
لوحواا اسلاحكم
ركبواا احميركم
العداو العداو
واهاو فينكم
ما تسمع خويا غير اشٌا و الرٌا
والمنغاز ف ضبرة لحمار ينغز
نطعت لغزالة نطعت
سربت الخيل حركت
دخان لمكاحل دخان
غمامة اابغات اتطيح
اعمات لعيون االزرقة
*به كحلت ذيك الشادة فالحبل.!
*ربي كتب علينا مكتوب الخير.!
((ان تداخل الكلمات والمعاني في بعضها البعض مقصود
وقد يكون غاية لامر ما))
العابد عبد الرحيم : 02/11/2021
الفقيه بن صالح تكتب وتكتب.
