وكالة الرأي العربي الإخبارية
غنوة بطل
…….
ليلة إمبارح
غصنها لاخضر قرب منى
قاللى يافالح
هم بسرعة وإحمى الننى
قمت بسرعة
فردت دراعى لتزعل منى
خدت سلاحى معايا فى إيدى
ورحت أكبر
الله أكبر الله أكبر الله أكبر
وصورة الدرة قدام عينى
تكبر تكبر
مشيت ف الشارع
أحمل سيفى
فى إيدى وأطالع
شفت ضنايا ماسك حجره
وجاى ورايا
قلتله ليه يامحمد جيت
ارجع لأمك يلا كفايه
قاللى ساعتها سيبنى ياابويا
دا الحلم بيكبر جوايا
قلتله يا أبنى بكره هتكبر
وتكمل مشوارى ورايا
قاللى بصرخة قوية وعالية
هزت كل الدنيا معايا
سيبنى يا ابويا سيبنى أصارع
الأقصى محتاج لمصارع
وأنا لازم أخد بالتار
للدره وزهره وأخويا صالح
ودا حلمى ومش هرجع عنه
انا غصن من ارضك طارح
عناقيد دبلانة من يوم
م القدس ضيعها مصالح
روح لأمى يابا وطمنها
خليها تقعد تدعيلى
وتحضر أحلى فساتنها
وتنور كل قناديلى
وبشالى تمسح دمعتها
لو سال دم شراينى
الدره ماهش أكبر منى
ولا دنيا هتقدر تحمينى
ولا هقد أرجع للبيت
الموت ف الحق يكفينى
دى القدس يابا وترابها
الرب عليه موصينى
أحلفلك يابا لهدافع
وهخلى احجارها مدافع
والطرحة السودة هبيضها
بإيديا وهجيلك رافع
رايتها العالية الغالية
والفرحة تحضن وتصافح
ساعتها أمى هتحضنى
وتقوللى ياعزيز عينى
رجعت الفرحة لقلوبنا
