أبعد.. لحد آخر الشوف…. بقلم الشاعر الطيب عوض أبو محمد

أبعد…. لحد آخر الشوف
يمكن تشوف
او حتى تلمح من بعيد
دقات زمانك السعيد
واللى اتبدر…. حاضر مخيف
صوت الخريف …..لساه مصاحب خطوتك
لساه مضيق الطريق
بالعافيه لامح سكتك
والفرحه….. طير طاير بعيد
هاجر ديارك من زمان
مش مفتكر ……حتى ملامح سكتك
أبعد وصدق الكلام
كل الامانى فى قاموسك
صبحت حرام
فانده على الفرحه…… بصوت مليان شجن
عدى المحن
صارع …….مع القلب اللى أصبح
جته هامده من الوهن
جايز يعود بيك الزمان
وترجع السكه الطويله قصيره
او تتعظ م اللى حصل
فتقول على الدنيا السلام
ويرجع حمام الأمل
يمشى فى طريق ليه اترسم
#حدود_الشوف
#الطيب_عوض