وكالة الرأي العربي الإخبارية
أكتوبر
***
بتعدي الأيام بتدور
أكتوبر ياحروف م نور
وبمر الأيام راح تفضل
ف عقولنا باقي ومذكور
ف السادس منك عدينا
وعبرنا لصعاب خطينا
دمرنا بارليف وحصون
والضربه الجويه نسور
غيّرنا افكار لكتير
من موشي او جولدمائير
وقهرنا احفاد صهيون
مقتول بإيدينا ومأسور
وفّينا لبلدنا عهودنا
ع الجبهه ودا كان موعدنا
حطمنا احلام صهيون
وكسرنا الجيش المغرور
ورفعنا الرايه بتكبير
اولادنا دول جيش وكبير
وكرولس دا بيحمي لعبده
وشهامه كشفت مستور
وهنحمي بالدم بلدنا
ونمد الحب لأولادنا
ولمصر يصونوأ أراضيها
والوحده أيام بتدور
