وكالة الرأي العربي الإخبارية
شعرعامية
اكتب ياشاعر
……..
العمر بيعدي يفوت
احلام تموت
مخنوقة فينا الامنيات
وللمات
وحروف ماهيش مترتبة
ولاحكايات
حاضر وفات
ولاعتش شفنا خيط امل
والمحتمل ضايع هباء
ومافيش بلاء
اكتر من انك تبقي ماشي
وسط سكة مضلمة
ومؤلمة
ايام تفوت
جوه التابوت ابدان كتير
باشا وغفير ريس وزير
الكل راح تحت التراب
كل الكراسي اصبحت
للغير حساب
الكل رايح يندفن تحت التراب
ابواب هتبقي مقغلة
والمعضلة وقت الحساب
تلقاك وحيد
ولاعتشي اي شئ يفيد
غير العمل
الكل بكره راح يموت
والحلم برده
لسه باقي مالوش مكان
وانا حلمي عمري ما كمله
مقطوع وبدري ف أوله
وبأوله حسب المباح
مفتاح كلام مالهوش طبل
سايق الهبل
باكتب وبارسم م الخيال
الحلم مال
واحتمال احلام غلط
كله اختلط
مابين وبين
عمر الشباب عدا وداب
احلام كتير متبعترة
متمسرة ف حيطان ورق
حلم وغرق
جوه المحيط
والموج حويط
مش راح ف يوم هيحدفه
لبر الامان
لساك زمان
فاكر قعود الصطبة
والطبطبة فوق الكتاف
والالتفاف نسمع حكاوي
عن زمان
كان ياما كان
تصحي تفوف
علي حلم شوق
تلقاك ف سوق
وسدود بتعلا لفوق قوي
والفعل اصبح ملتوي
وحيطان بتعلا ف سكتك
ويسكتك من غير كلام
او اي صوت
حتي السكوت
اصبح مافيش
طب ليه نعيش
والحلم مليان بالشقا
انطق بقا
اكتب ياشاعر كلمتك
امسك قلم
لو الحروف متلخبطة
ارسم حياة ف دروب امل
واكتب بلاش تقطع امل
انت الامل
ف وسط دنيا كلها متلخبطة
كلمات / 
