وكالة الرأي العربي الإخبارية
زجل مغربي
#الحال_بدال
مَلِّي كان نِيَّة و خاطيه الغش
حرث فدان وُ قْلَّبْ مطيرة
راح فلعشية مَخْلِي ليه العش
وتعشى مَّحَّطْ فوق حصيرة
النهار الَّوَّلْ ڭال يموت المش
لكن مشاش يامو كانت كثيرة
فينما دور حنكو فيه اتقمش
بمخالب نادبة ندبات كبيرة
قسح وجهو وحلف لاَ رمَّش
صبْ قلْ حْياهْ وْبَالْ غزيرة
تلاوح تلاويحة نْوَا يبقشش
طاح تهرس،ما نفعاتو جبيرة
عيا مايبري،يفتش ويمخشش
لَكِنُّه فكل خطوة تيودي دعيرة
شرا خربة ڭال ڭُدَامُه ايعشش
ريبو ليه لعشة وكملو بالدويرة
#رشيد_شرقان.
