وكالة الرأي العربي الإخبارية
المهراز ..زجل
فين أيامك يااا المهراز.
كنتي من لعزاز.
فيك صنعة بلادي
فيك و رث أجدادي
شحال تباهيتي بالروايح الزينة.
فيك دك لقرنفل و الحنة
الي خارجة من الجنة
و الورد و لخزامة
مع اوريقات الريحان
اللي مجنية من جبال وسهول
مغربنا الفتان .
دقي يا لالة مولات الدار
و ساوي النغمة.
رآه رنتها مسموعة
بحال أوتار الفنان.
اييه يا لمهراز
دارت عليك الدورة
ولات خدمتك محكورة.
و تلاحيتي في الركينة
مع شلا حوايج مهجورة
ما بقات عندك قيمة
قضى عليك الضوء و الماكينة
لا تخاف باقي شانك عالي
لأنك من النحاس الصافي
سومك غالي في البزار
و حتى عند الناس لكبار.
الطن و الراس الي ما يفطن
يازين الطنطينة.
وحيد عليك ديك لغبينة
و ارجع ليامك الزينة
