وكالة الرأي العربي الإخبارية
— امرك حيرني
—
———————
(زجل)
جيت اناجيك
جيت انداويك
انهز الهم عليك
عاد سولني…….اش ابغيت.!
سريع كلامك سم قاتل
يقتل الحب نبتة اصغيرة
جيت….انواسيك
نقتل المرض
المرض اللي فيك
لعل و عسى.!
*نحكي ليك حكايات جميلة.!
من الف ليلة…و ليلة
اساطير بساط الريح
عقلك تالف يا الغافل
عقلك مشطون جافل
غريب…..امرك حيرني
خلاني مجنون محتار
خلاني تالف حيران
اتشابكت…احروفي
*سارت الحروف كلمة بكلمة!
*سارت الكلمة حكمة معنى!
وين راس….الخيط.؟ يا العارف فينا ديما.!
قلبك مسدود بقفل حدادي!
ضحك السننين اخديعة
حب القلب حب صافي
الدم الخاثر……………….أحمر نعمان!
خليوه يجري فالسواقي
لعروق….فاتحة مجاريها
من يسقي لله يبليه بلوة
بلوة الصالحين رجال الله
*كيف شدت…….اتشد ديما!
العابد عبد الرحيم: 03/03/2018
ملهمتي الفقيه بن صالح بداية كوفيد
