وكالة الرأي العربي الإخبارية
/ اه يا وين
رجعت
الزينة ااتحرك
———————————-/
( إذا انتهى دور الرجال جاء دور النساء وهن قادرات.!)
(زجل)
اه يا وين.!
اه يا وين.!
خليوا الزينة اتحرك
خليوا نخلتنا اتعرش
شدت لرسام مالكها
* مال الزين مالو علينا؟
و مال الزين حاسدينو.؟
اتجود علينا باتمورها اعسل
من ذاق وحدة يطلب زيدني
خليوا الزينة…..اتحرك
جيبوا البركَي امسرج
موسم القادٌات وقتو.!
لواه يا لواه اليوم عيدكم
تطلق اشعورها……..اتغني
تضرب بارصاصها القاتل
تضرب بارماحها اتصيب
* من فيكم قال يا ازعيم.!
فينك يا — با با — اغبرتي.؟
حراز الدوار يا سيد الرجال.!
كَفضت شطايطها أو راحت
حلفت هي….تتزور السادات
حلفت هي…….تتزور بلادات
حلفت هي حلفت هازا لعلام
والله ابلادي ولا تربة امشات.!
* قلتي الكلمة أوما اوفيتي.!
وافين اوى عليك يا شماتة.؟
ياك هذي رجلة ناقصة.!
شهدت الضاوية عليك
شهدت باعلامها ايشالي
جات زينب كاتخاصم
ركبت براقها أو طارت
هي و السربة امقادين
* فينكم يا ارجال هاربين.؟
اجبال الدنيا عالية اصعيبة!
وقت الحركَة ما احشمتوا
الراس فالقب خاشيينوا
سرتوا انعامة في الرمالي
خليتوا لبنات…..حاركَات
اجمعتوا واضربتوا الطم
* رجلة بالذل حزموها
باتت الليل كاتناني.!
جاتها كل لذياب جايعة
فابلاد اجدودها طامعة
قلت ليها لواه.!
انا خايف من انيابها تنهش
لا ألحم ولا عظم مني ابقى
* غير الروح فِيٌ كاتصارع عديان.!
( قولوا ليهم لواه قولوا ليهم لواه)
ذ/ العابد عبد الرحيم : 24/10/2022
ملهمتي الفقيه بن صالح تكتب للجميع.
