بعلنها
…….
بعلنها وأمرى الى الله
ولا هسمح قلبى يقول أه
وهحافظ على وعدى معاه
لوحتى هعيش على ذكراه
…
وهصبر قلبى على غيابه
ولغيره ما يفتح يوم بابه
لو حتى هيعيد له شبابه
مش هأقبل أكون تاني وياه
…..
دا حبيبى ومالوهش بديل
يكفينى من طيفه دليل
وأنا قلبى لغيره ماهيميل
ولا عمره فى لحظه هينساه
…
وإن مر العمر وماعاد
مش هزرع ف القلب عناد
ولا هجرى على أى وداد
ولا أدور فين حتى ألقاه
…..
وهعيش مع حلمى اللى بديته
وزرعته وبدمى رويته
ولاعمرى فكرت أفوته
مش ذنبى ماهو قلبى معاه

بقلم الشاعر عبدالهادى الشعراوى