وكالة الرأي العربي الإخبارية
زجل
☆ بلاد العرڭوب ☆
بِ مْسِيرَة خضرا
حررنا أرض الصحرا
بلا بارود بلا حجرا
عيون العالم شاهدين
أرض النخل والتمرا
الواد والساقية الحمرا
الرمال الذهبية الصفرا
وبلاد العرڭوب المرڭد الزين
كِتَسْمَعْ الندا ف لخبار
هاجت لشواق ف مرَّا
لباوْ فالليل قبل النهار
الشاب والرجل ولَمْرَا
لْيُوتْ المغاربة لحرار
المعادن الصافية نُقْرَا
شعارنا الله الله اكبر
من طنجة ت لكويرا
في رمشة كانو مجموعين
شي مشا ف الكاميوات
شلا رجال وشلا عيالات
و شي مشا ف الترانات
و اللي بقا عينو دمعات
كان غردو يكون مع الغاديين
رفيقنا الله والقرآن
سلاحنا الصبر والإيمان
الرايات تشالي
ف كل مكان
بين لكفوف ترفرف
من بعيد تبان
مشينا ب صلا وسلام
ورجعنا سالمين.
توقيع :
رشيد شرقان
.
