تايِهْ أَنَا

*****

تايِهْ أَنَا بينِ الْوَعي وِالّلا وَعي

بينِ الْكَلامِ الْمَنْطِقي وْبينِ الَّلعي

ما بينْ شاعِرْ مُجْتَهِدْ جَدِّ السَّعي

واثِقْ بِحَرْفو وِبْحُضورو أَلْمَعي

وِالّلي بِنادي عَالْجُمَلْ تيعا تَعي

أَوَّلْ قَصيدي شافْ حالو الأَصْمَعي

بينِ الصَّديقِ الْمُحْتَرَمْ وِالْمُدَّعي

أَوْ مينْ ضِدّي بهالزَّمَنْ وِلاّ مَعي

نَبْعِ الشُّروقي وِالْمُعَنّى مَنْبَعي

مِنْ يومْ يومي وِالْقَوافي مَرْتَعي

ما كانْ بِفْلِسْطينْ شيئ اسْمو زَجَلْ

لَوْ لَمْ تَكُنْ بِالْفَنِّ بَصْمِةْ إِصْبَعي

***************************