جات اكواتنا… زجل بقلم العابد عبد الرحيم

— جات —اااااااكواتنا
——————————

(زجل)

جات اكواتنا وامشات
كواتنا سبع كيات

ضحكت لينا سبع ضحكات
بكاتنا سبع بكيات

جات طيور في السما علات
جات راها جات

شكل الحوت تقطع الموجات
جات راها جات

في طريق البر و الصحاري
جات راها جات

تلعب بنا……تضرب ضربات
شنقت الزعيم فيناوامشات
رونتنا عجينة بيديها دلكات
طبعت الجبهة بالدينارطبعة

زينت االوجوه باللحيات
دكت العمران فينا دكات

وزعتنا……….عالمخيمات
غرست فتنتها فالواحات

افلام الرعب………افلام
افراجة على الشاشات
افلام الرعب مسلسلات
افلام داعش تمة اابقات
سطرت خطة فاالحياة

*خناجر تقطع الروس وارصاص ايصيب الذات.!

بفلوسنا شرينا الجاهلية
وزعتها وزعتها وامشات
اضحكنا ليها ضحكات
اضحكنا سبع ضحكات
عايشين الهم و الويلات
انفسرو انأولو تأويلات
من يفهم هاذ الخطات

اه ضحكت لينا وامشات ضحكت سبع ضحكات!

العابد عبد الرحيم:23/12/2018
ملهمتي الفقيه بن صالح