خرطوش يدمر حياه انسان ….. تقرير حمدى احمد …

        خرطوش يدمر حياه انسان
كتب : حمدى احمد
نعرف جيدا بان وامن وسلامه المواطنون مسؤليه الحكومه متمثله فى اجهزتها التنفيذيه
وخصوصا المواطن الفقير ائى كان
انتابنى شعور غريب حينما شاهدت صوره الشاب رمضان
بعد ان ارسلها لى على الخاص وهو يستحلفنى بالله بان ان انشرها لستعطاف قلب المسؤلين والاهتمام بشكواه
وهذا حقه اننا نوصل صوته للمسؤلين واصحاب القلوب الرحيمه لمعالجته وتخفيف معناته مع فهو طريح الفراش يشرب وياكل عن طريق سرنجه بعد حادثه اطلاق خرطوش عليه من خفير الثلاجه التى يعمل بها نعم خرطوش فى الوجه وليس فى مكان اخر نحن لا يهمنا لماذا اطلق عليه الخرطوش ولماذا فى وجه
اسئله كثيره دارت فى رائسى حينما شاهدت صوره التى ارسلها لى
لماذا الخفير ضرب عليه نار ولماذا ضربها فى وجهه
هل كانت مقصوده انه يدمر حياته بهذا الشكل ولو افترضنا بان الخفير شك فيه كان المفروض يضرب فى رجله او مكان اخر غير الوجهه
ولكن لا يهمنا من الجانى ومن المجنى عليه نحن نعرض ماساه مواطن عايش طريح الفراش
هذا كان نص رسالته لى

ممكن تساعدنى لله اتعرضت لابشع حادث فى مصر طلق خرطوش فى الوجه دمرنى بشكل كامل عملت عمليه مرتين وفشلت انقذونى لعلى اجد حل وعلاج واوصل صوتى للاعلام والمسؤلين يمكن اسافر اتعالج في الخارج او فى مستشفيات القوات المسلحه لو فيه حل او دكتور وجه وفكين كبير يكون عنده حل لحالتى اناشدك بالله العلي العظيم انقذ انسان لله أنشر مأساتى حتى لو على صفحتك ساعد اخوك انه يقدر يعيش ويتعالج يمكن تكون سبب فى انقاذ انسان لوجه الله تعالى سواء كنت اعلامى او صحفى او لا فانت انسان بتحس بالالم والوجع فشارك في تخفيف الم ووجع انسان لله أنشر مأساتى حتى لو على صفحتك ساعد اخوك انه يقدر يعيش ويتعالج يمكن تكون سبب فى انقاذ انسان لوجه الله تعالى سواء كنت اعلامى او صحفى او لا فانت انسان بتحس بالالم والوجع فشارك في تخفيف الم ووجع انسان لله أنشر مأساتى عندى 34سنه وعندى زوجه حقها تعيش حياتها ومعنديش اولاد بقالى13سنه متجوز حياتى كلها ادمرت تشوه كامل باكل بسرنجه واشرب بسرنجه وانا 34سنه ارجوك مشاركتك في نشر معاناة انسان يعيش فى ماساه منذ عام مضى ارجوك مش حتاخد منك وقت كبير لكن فى انقاذ انسان لوجه الله تعالى تساوى كتير
وكان سؤالى له
*ممكن تقولى الخرطوش اضرب عليك فين وهل كان خطاء ام كان مقصود
قالى رمضان

الخرطوش كان من غفير التلاجه الى احنا شغالين فيها اسمه “”””””””” ومعاه واحد اسمه “””””””” ضربونى على راسى بالطوب وحطو السلاح الخرطوش فى راسى دخلونى التلاجه وفجاه ضربنى بالخرطوش فى وجهى مباشرة دمره بشكل كبير

وبعد ما ضربنى بالخرطوش فى وشى ولقانى شبه ميت بلغ صاحب التلاجه يجى جه لقانى شبه ميت اتخانق مع الغفير عملت كدا ليه دا رمضان الراجل بتاعنا وانت عارفه طبعا عشان يخلصو الحكايه عملو محضر سرقه وقالو كان جاى يسرق فضربناه والشرطه ظبططه لان العالم دى وصله على ما فقت وبقيت اعرف اشاور كأن كل حاجه انتهت وبقيت انا المجرم وهو برىء

والله العظيم عملو عليا مؤامره ودمرونى

* كنت شغال فين
وطبيعه عملك ايه

كنت شغال فى تلاجه لحوم واسماك فى كوم حماده بتاعت الحاج “””””””” حوالى6 سنين كنت ريس للعمال
بنشيل لحوم واسماك مجمده

*صاحب العمل هل كان بيزورك بعد حادثه الاعتداء عليك
بيرسل لى مرتبى كامل ١٠٠٠ جنيه شهرى لانه عارف الحقيقه
*يوم الحادثه هل كان عندك ورديه فى الثلاجه ام كانت ذاهب لغرض اخر
كنت رايح لصحبى محمود واتاريه كان كمين من الغفير

واستغلو غياب٦٥يوم فى العنايه المركزه وتم تضبيط المحضر من غير ما حد سالنى فى المحضر
* هل عرضت حالتك على دكتور اخر

بصعوبه بالغ وبعد معاناه شديده تم حجزى فى قسم الوجه والفكين في جامعة الاسكندريه

تم اجراء عملية لى باخذ عظمه من القدم اليسرى وزراعتها للفك العلوى من الفم وبعد جراحه16ساعه وفى اليوم التالى ارتفعت الحراره جدا مما اضطرالاطباء الى شيل العظمه مره اخرى وفشلت الجراحه وساءت الحالة جدا فقرر الاطباء اجراءها بعد3شهور مره تانيه وفى يوم5 / 3 / 2017 اجريت العمليه مره تانيه باخذ عظمه من القدم اليمنى وزرعتها فى الفك العلوي من جديد وبعد جراحه دامت24ساعه من8صباح يوم5 / 3 / 2017الى8صباح6/3/2017ولم تنجح ايضا

وتدهور ت الحالةشهر
عذاب14شهر
انا مش بتكلم غير قليل ومش واضح كلامي عشان مركب شق حنجرى وكلامى مش واضح

* هل لك عمليات اخرى
لاالدكتور قالى مش عارفلك حل حنعملك الانف بعد 6 شهر لكن الفم خلاص
الفم فيه عظمة الفك العلوي راحت خالص
والشفه العلويه نصها راح ومدخلنها جوا الفم لان ما فيش عظمه ترفعها

والانف ضايع وعايش بشق حنجرى وكمان شفت الموت اكتر من10مرات
* العمليات التى اجريت لك هل هى نجحت فى تحسين حالتك ام سائت حالتك

ساءت بسبب الفشل بس الدكتور الى عملى العمليه فى المرتين اسمه محمد قريطم دا الدكتور الوحيد الى وافق يشتغل في الحالة نظرا لصعوبتها وعمل الى عليه وزياده والله لكن الاصابه صعبه جدا جدا واول اصابه بهذ الشكل فى العالم

* هل سافرت الى القاهره لعرض حالتك على متخصص فى مثل هذه الجراحات

فيه واحد بيكلمنى بيقول ان فيه وحده علاج مكريسكوب فى جامعة اسيوط منك اتعالج فيها دكتور اسمه عمر السيد على رئس الوحده بس مش عارف اتواصل معاه ازاى

*ومحضر الشرطه هل تم تسوبته ام لسه فى المحاكم
ياساده كل حاجه اظبطط والنفوذ والمال طلعوه براءه وان لسه في المستشفى
وما حدش حتى عبر ياخد اقوالى

هذا كان الحوار الذى دار بينى وبين الشاب المدمر نفسيا قبل بدنيا على الماسنجر
اعتذر للساده القراء لمسح اسماء كل من الغفير وصاحب العمل الذى كان يعمل لديه صاحب الرساله
ولكن جميع بياناته موجوده لدينا لمن يهمه الامر
ومن منبرنا نوجه رسالتنا الى فخامه السيد رئيس الجمهوريه نرجوه بنظره وتوجيه من سيادته لستعاده الامل المفقود من مواطن فقير
وجميع بيانات رمضان الوكيل لدينا
رساله ونوجهها الى الى الساده المسؤلين اين حق رمضان الوكيل بان يعيش فى امان
اين حق المواطن الفقير فى استعاده بسمته
رسله الى معالى وزير الدفاع نرجوه بعرض رمضان الوكيل فى احدى مستشفيات القوات المتخصصه فى حالته
رساله ونوجهها الى اصحاب القلوب الرحيمه بالوقوف مع رمضان الوكيل حتى يتم شفاءه
جميع بيانات رمضان موجوده لدينا لمن بهمه الامر