وكالة الرأي العربي الإخبارية
/خواطر الليل الاولاد
————————-/
(زجل)
محلى طيب أنفاسك
والصباح الجميل معاك
أولادي خمسة والاحفاذ
قنديل امضوي……بيتي
وفطور الصباح محلاه
الجلسة قدامي….نخوة
صلينا و اركعنا لله
بالشكر راه احمدناه
الزين فالمرى قلب حنين
و الزين ف لولاد الطاعة
الخير فالرزق رزق لحلال
*الزين فالوردة و علاش تذبال؟
*ويلا اتهول القلب دمعة العين!
*ابقات الدموع ع الخد شاهدة!
انا اللي كنت فارس انصول!
انا اللي كنت فارس انجول!
ورجعت انخاف من خيالي!
*اه عنداك تحسابها دايمة.!
عديتها من لثنين الخميس
صليت الجمعة عليها ابكيت
*لا سبت لا حد غير ليام سايرة!
امولاي….. امولاي
ويا
الرجال الصالحين
سولوني على بير الطم
قلت ليهم لقبور واجدة
ضحكوا وابكاوا طولوا
والله عليهم ما اكذبت.!
انا اللي كان او كان شيبة و نعناع
انا اللي كنت انحوز و انبات انراري
انا يا لعظام الراشية رجعي لترابك
* انا اللي ازرعت الريال و أحصدتو دراهم!
*هو باع و اشرى فالدنيا لوهام و انسى!
*سعدات من لو تريكة صالحة عليه تترحم!
غير سيروا لله غير سيروا
والله حاجة فالدنيا لا بقات
والله و الله حاجة لا ابقات
سعداتنا بالأعمال الصالحة
*يا رضاة الوالدين كوني اعوين
غدا غدا انزوركم فالقصر الدايم
غدا غدا انزوركم فالقبورالمنسية
عابد كيف بويا او جدي!
اللي انسى لمقام انفكروه!
صليت ع النبي العدنان صليت
اختمت هاذ لقصيدة الحاضرة.
العابد عبد الرحيم:08/01/2021
كورونا لا تخيف أحدا نكتب ونكتب!
