وكالة الرأي العربي الإخبارية
زجل: (زمان بالمقلوب)
قصاحت لقلوب
وحرارت الگعدة
فزمان غادي بالمقلوب
طاغية فيه لعيوب
تركز فوق القعدة
يتصدق فيه لكذوب
والحق لاحوه للسدة
مابقا حد مآمن بالمكتوب
باغين الرباح ليوم وغدا
لكلام خارج سربوب
ع الميزان يتعدا
شحال من عاقل عاق بالملعوب
ومن قلة الشي صابر وسط الخردة
ملي اللوح ما بقا مكتوب
الصاحب سماوه الفردة
قبايل طوطو ولات الطوب
بلغاها لي يجيب الردة
والخو ما عاد مرغوب
وولات تتلاح الكبدة
ياصاح كيفاش الخير ولا معطوب
والشر يتنخوا وفاليد مقدة
علاش بنادم ما رايد يتوب
مهما طوالت المدة
زايد مكملها بالحروب
والما ما بقا كافي وردة…
رشيد حياط
……15/10/2022
