وكالة الرأي العربي الإخبارية
سوق راسي
بين خيام الظلمة
فسوق الغمة
مشيت مع راسي
دخلني لسوق الدلالة
وخرجني سوق راسي
مني يشري
ولي يبيع
بلا ربح بلا خطية
عارف هبالي
ضعفي
راس مالي
والمكتاب جلاني
ياااك آراسي
مانفعت فيك
حزارة
ولا دعاوي
وليتي رقاص
من دمي مصاص
تدي وتجيب
خبارات لقلب
ومحاين الماضي
لكبدة مطحونة
مشطونة
والعقل
واكل الماضي
ضرب الطم
الشكامة ندامة
عل لي فات زضم
خيط الفم
وهانت ناضي
بين السن للسم
تبسم
تعيش هاني
خلي لمشيط
لمول السوالف
لقرع
علاش فصلعتو تالف؟
حط راسك
آااراسي
سوقنا خرف
الصغير دابا يشرف
ومازال يعطيك العاطي
بلا ماتحرث
بلا ماتواطي.
ذة، سعاد أزهراوي
