وكالة الرأي العربي الإخبارية
زجل:
شفتها ف منامي محلاها🌾
نحكيها لكم كيف القصة
هي زينة النجوم ف سماها🌾
تشبه ميرة و تشبه حفصة
تشبه عبلة في ممشاها🌾
شعرها طويل طالقة الگصة
جاية و تميل العشق رخاها🌾
شفتها جنب ذيك العرصة
تمنيت نكون أنا و ياها🌾
بعد الزوال الساعة خمسة
سولتها و هي ملحفة بحياها🌾
عروسة واگفة فوق منصة
سبحان ربي كيف سواها🌾
طلبت منها تعطيني فرصة
گلبي عليها اتطحن ف رحاها🌾
طحين الخرطال و الفصة
عقلي سرح و الگلب بغاها🌾
مللي فقت بقات فيا فقصة
شحال تمنيت نبقا معاها🌾
و ما تنتاهي ذيك القصة
الراجي رمالي
