وكالة الرأي العربي الإخبارية
قصيدة نبطية
(صوت قرآن )
نحزن ولكـن الحـــــــزن ما نفعنا
واللي رحل ما تنفعه دمعة احـزان
وما ينفعه تأبيـــــن مهما صدحنا
وما ينفعه مهما لبسنا من الــوان
الدنيا حـــــرث وما زرعنا حصدنا
واللي فرش للناس غطوه باحسان
والروح امانه ومن عطــــانا طلبنا
جل جــلاله مـــودع النفس ديان
هذا خريـــــف اعمارنا وماحسبنا
تساقطت أوراقنا بعاصـف ازمـان
عشنا على احلام الرعــاة وبعدنا
نحلم وعدى عمرنا برمشة ازمان
كل يـوم نفقـد واحـد ٍ من عـربنا
يارب ظلك كوثرك ميلة أغصـان
يالله ياللي غافـــر الذنــــب تبنا
مايجبر الخاطر سوى صوت قرآن
احيـاء بس من بعضنا ما شبعنا
نرسل ولكن دون ساعي وعنـوان
صحيح غبنا ميــــر محد ٍ ذكرنا
وحنا بعد ما نذكــره كان ما كان
صار العمر خمسين شابت وشبنا
وللحينها بالقلب شوق ٍ وتحنان
عندي وطــن فيه انكتبنا وكتبنا
وعندي وطن دار ٍ ودور ٍ وداران
اللي كتبنـا فيــه سيـــفه نحــرنا
والثاني إعصــار وهجيـر ٍ وبركان
واليـوم غربـه مــير رمـح ٍ بيمنا
وملاذ للي واهــن وخيــر مزبـان
نعيم الجشعمي
