وكالة الرأي العربي الإخبارية
قصيده شعبيه عراقيه
(عــتــــاب لــلأصــدقـــاء
)
تريدوني أثق والغدر طبع ألنــاس
وأكثرهــم حــقــد يتنفسه أبريتــه
مــابيهــم أثــق عالشفتــه لاوالله
مــابيهــم أمــل والباب سديتــــه
يظل عالي العراق وكلكم تعرفــون
ويفـرض عالأرض والدول شخصيته
أنه عراقي وشهم وأفتخر بالعربان
وحب هــذا ألوطن بالگلب ظميتـه
مو بس حب أحبه…هواي هايم بيه
شگد غالي العمر قربان أله أنطيتــه
مــاحــب التباهي بيــن هــذا وذاك
وما سـويت زيـن وگـلت سويتــه
ألدافع عن وطن صدگني مامندوم
وشوف أحنه أبوطنه وشوف تربيته
من دجله وفرات شربت ماي ألخير
ويعزب هالوطن متروسه صينيتــه
عراقي وأفتخر بين العرب نوماس
وتــذل يــاربي كلمن بــاع قوميتـه
لاتحكــم وطــن وتبوگــه يالناطور
ســل الباگــه گبلك ويــن مــاليتــه
عــز بجورتك يعــراق مــمــن بيــك
جــارك نــام صــافــي ألبال خليتــه
ألمفــجــر أولادك أكــل بيك سنيــن
گبــل لــمــن چنت تترسله خرجيتــه
ألماكــل من أديك أليوم يــطعــن بيك
وأول داعــشي من دخــــل لاگيــتــه
هسه أنطر فجرنه وأنكشف كل مضموم
وحــط غــلــك بكلمــن گــبل حبيتــه
شلــون تريــد أئئمن بــالذبحني بليل
ألــچنت بيهم أهــم والحال همليتــه
تاليت ألوفى أتجازوني مگفه بهــاي
وألــكــم بــالفزع كــل حيــد رديتــه
شلتكم فــوگ ظهري ألخيل للخــيال
ومــساهــر عــمــر وألــنوم جــافيتــه
خبزه ألكم چنت وسگيت كل عطشان
وفرشتلــكــم دليلي و گــلبي مــديتــه
لاغــزر خبــزنــه وبيــري دفنــو بــيــه
هســه شــغيــرك وألــمــاي بــزيــتــــه
خيمــه بحناني ألــمــن جميع ألنــاس
وألمنكــم بــرد بــظلــوعــي دفــيتــه
أنــه ألدوله ألقياده وبيدي ألدستــور
وأنه ألمجلس أمــن دستور خطيتــه
ألى كل من يريد أنعــدله عنهــن ذول
صــدگ ماگــدر تنــهــار شخصــيتــه
أحنه أهل ألحضاره أتصفح ألتأريــخ
مــن سومــر وبابل هالوطن صــيتــه
أحــنه أهــل ألــرسل وكــل أنبياء الله
ومــيراث ألــصحابــه وقبلتــه وبيتــه
إلــى كلمن يــمسك يــاعــراق ألخــيــر
بأچــر نگــص چفــه وننــتف لــحيتــه
عــراقيه ألأنبار ورجــعت ألــحــدبــاء
ولــديــالــى ألعزيزه ألنصــر زفــيــتــه
كركوك ألعــرب چــا شنهي كردســتان
غربيه وجنــوب…ألــوطــن جنسيتــه
هــذا عتابــي ألــكــم تقبلوا يــاريــت
بـــقلمــي المتواظــع أنــي خــطيتــه
حــســيـن الـريــشــاوي الــعــراقــي
