وكالة الرأي العربي الإخبارية
زجل مغربي
غزّة..
مَكَْواني مَكَْواني
ما سَعْفَتْني
السْجِيّه بَلْعاني
نَبْزاتْ مَنْ لَقْصيده
نَبْزَه.
كانَتْ فْطيرَه
مَقْسومَه بِلْعَشْرَه
عْلَى جْنابْ الْقُدْس
مَعْجونَة بالدَّمْ
فَحْوانَتْ
غَزَّة
كَتْبَتْ اسْم الشُّهَدا
في السّْما
في التْرابْ مْقَسْمَه
تَقْسَمْ القَسَمْ
نَخْوَة …
عَزَّة…
سَعْداتْ للِّي خَلَّدْ
وَلْفَحْلَة ؤُما وَلْداتْ
لَكْثيرْ مَنَّا سَارَحْ
كِبْهيمَة في لْمَرْجاتْ
ما كْفَاتْها غَمْزَة
مَكَْواني مَكَْواني
عْلى لْسانْ لْوَقْتْ
نْبَرْكََمْ عَللَخْوا
في عْقولْ الزَّفْتْ
وَلْكََلْبْ بِه حَزَّة
آجي نْشَرْشْمُو لْكَتْبَه
بِحَقْ النُّونْ
وَنْفَرْتْحوا لْعَيْن لْحالْ
كيفْ تْكونْ
واخا ماتْكونْ
خاصْنا غي نَغْزَة
فؤاد البياز القاسمي
