( الصَّـابُــونَـة ) .

الصَّـوْمـَعـة إِلـَى رابــَتْ،

آشْنُـو ذَنـبْ الْحَجـّامْ ؟

فينْ البـنـَّايْ ؟

وفـينْ الإِمـامْ ؟

الحجَّام كـَيْحَسَّـنْ الرّْيـُوسْ،

والبـنَّـايْ كَيْمـَرْطَبْ لَفْراصـَدْ ،

وهـاد لَگـْلوبْ ،

وهادْ لـعْقـولْ ،

شكـون يْثـَبَّتْ ليها لگْدامْ،

وْرَا النَّـزْوَة تَـجْري لاَهـْثَة،

هـْنا وْتَـمّْ وَلْـهيهْ.

لَفْضـيلـَة زَلْـگتْ فَالحَمـَّامْ ،

فـوقْ العـارْ وَالـدَّمْ،

زلَّـتْ بِهـا لَگـْدامْ،

وَالْحـُرِّيـَّة صـَابــُونَـة،

كايَـنْ مَـنْ نَـقَّـى بِـهـا

الْجَلْـدْ والْعْـظامْ.

واللِّـي زْلـَگْ بِـها وفـاتْ حْدُودُو،

لازمْ للـظـُّلْمْ ،

يْمَـدّْ كْفـوفـو بـَسـْلامْ.

يَـبْــدا بـْراسو وِيْحـَطـَّمْ رْيـوسْ،

يِـرَيَّـبْ فـْراصـَدْ وَصـْوامـَعْ،

وِيْـعـَلَّـقْ اَلْحَـجـَّامْ،

وِيْجـَوَّعْ اَلْبـَنَّايْ،

يْسـَفَّهْ اَلْأَذانْ وِيْجـَبـَّدْ لَـوْدانْ،

لَلشِّـيـخْ وَالإِمـامْ،

وْفَــهْــمُــونِـــــي ،

يَـاسَـادَاتِـي لَــكــْرامْ………….