وكالة الرأي العربي الإخبارية
” مات الأمل فينا ”
الرأي العربي .. أيمن خليل ـ مصر
واقفين بنتفرج
واقفين بنتفرج
ولا حد يتحرج
الدمع في عنينا
مات الأمل فينا
يامين يفرحنا
ويداوي ف جرحنا
م احنا اللي موتنا
الحلم بإدينا
خلينا أمتنا
ورقة ف كوتشينة
يلعب بينا المكار
لعب الورق في قمار
ولا حد بيدور
والكل بيحور
كتر الكلام عادة
بقى زاد وزوادة
ودمنا بيرخص
وجثثنا تترصص
ع الشط والشارع
والكل بيسارع
يلقط لنا المنظر
بالكميرا يتمنظر
بس القلوب ماتت
حتى النفوس مالت
بقى كل شئ وارد
مستنيين مارد
يرفع رايات المجد
يكتب نهاية وحد
للخيبة والأزمة
ويجمع الحزمة
وترجع الأمة
مرفوعة الهمة
ونبقى مطرحنا
و نعلي افراحنا.
للشاعر أيمن خليل
