وكالة الرأي العربي الإخبارية
نثيرة شعرية
مالك تلف ليك لحساب؟
………
مالك تلف ليك لحساب أحنيني؟
تضرب لخماسي فسداسي
ويطلع ليك لحساب ما هواش
……….
وآش ملي بغيتي تحسب صفيتي النية؟
ودرتي الكاغيط فالكفة لخرى
بآش تگاد الميل؟
………..
آنا عارف ما درتي والو
حيث ما فخبركش باللي الميزان
فيه كفتان.
…………
وحدا فيها الحق ولخرى فيها بهتان
نوزنو تزمام الحق ولباطل فلميزان
وتما يبان لينا البرهان
………….
نحكم ونزمم كلامي
وعليه ندير ختامي
ويسيني معايا كاتب الضبط يشهد علا حكامي
………….
ولا شي حد ما عجبو حكامي يستانف وعندو الحق
ونجوبوا ونعطيه الدق
