محمد أمين عطية -لكل من فقد امه اهدى تلك الكلمات ……..*عيد الام*

لكل من فقد امه اهدى تلك الكلمات ……..*عيد الام*
*
*
*
كل سنة كنتى انتى هديتى السنة دى العيد صارمشاع
الخير والبركة كنتى وكرم ربى بيكى هوة اللى ضاع
موش ناسيكى ولو أفتديكى بس ده قدر الوداع
حب غالى مايتشريش ولا يوم قلبى عنه باع
مهما جوعتى للعطا كنتى تكفلينا حد الشباع
وان حصل وبيوم اتوجعتى تبرريها شوية صداع
موش هاقول وجع الولادة ولا هجيب سيرة رضاع
كل ام عارفة دورها والله ماهزمك صراع
الا علة ياريت صابتنى لو حتى كان فيها الضياع
صعب أشرح ايه اللى صابك والاحسان سيد الطباع
لو بايدى اتحنى بترابك مهما دوستى عليه من الجنة اجتماع
ونصايحك دايما سديدة ليه تحرمينا الاستماع
مهما أحصر او اعدد من مزايا من دون نفاق او دون خداع
هتفضلى دايما يا امى صوت الحنية الشجاع
من بعد غيبتك عنى بادعى يعوضنى فرقة وداع
كل سنة كنتى انتى هديتى والسنة دى العيد صار مشاع
رحم الله امهاتنا جميعا وبارك الله بالامهات وبصحتهن خالص دعائى لهن وبالغ التحية والتقدير محمد أميــــن عطيـــة الخميـــس الموافق25/2/2016