وكالة الرأي العربي الإخبارية
{مــــســــــتـــــحــــــاي}
منين أحصلك بـــعـــد بيه مكان
وأني بجروحك أغـــص ومنترس
أشماكثر غيم الله يصعد للسماء
عنوه يتعنه ويطـــم عين الشمس
أشمايطول ألعمر ينگص من يزيد
ومثل مـــا وياي تفتر بـــالعكس
هذا يومي وردت بالراحه أعيش
أنت ليش أجيب لچمات الأمس
ألجسد بالروح طاهر يبقه دووم
ومن تهجره ألروح يتحول نجس
شدعي كون الله أليعثر مستحاي
أشماردت يرجع يگظني وأنتكس
حسرت المفطوم تطلع بيها أأأأأه
ويبچي أذا محد عرفها ولايحس
والله لوما ديني وتكظني ألحيااء
چا گلتها بصوت عالي ومو همس
گتلك مـــن ألماي كل هاي ألحياة
ليش گصتك ناشفه وتنسه ألدرس
مشيـــت ألما ينعزم بطلابه عيب
وفشله رگص ألما يعزمونه أبعرس
كلمأ أبطيره يعس والعش أمـــاان
مـــايحط أبعش غـــريب ولايعس
فاهي المعاتب يصير أشما تـــطول
أسنينه والثوب الـــعتگ مايلبس
كــــــلـــمــــــات الــــــشــــــاعـــر
حــــــســـيــــــن الــــــريـــشــــــاوي
