منديل بأويه

ام المنديل بأويه

شغلت قلوب ملايين

اه منها اه يااخويا

لها شامه عالخدين

قولتلها كلام حنين

يمكن ترضي وتميل

ده انا اللي كنت قاسي

بقيت من العاشقين

قولتلها ياحلوه حني

بقيتي حته مني

والنوم بقا مخاصمني

وأتحرم ع العنين

بصتلي بطرف عينها

بصه مكونتش فاهمها

اتاريها في حبي دايبه

ومش عارفه تقول لمين

قالتلي روح لابوبيا

وقابل كمان اخويا

وان قابلك برضه خالي

قوله طالب الايدين

قوله عاشق صبابه

وغنيله علي الربابه

قوله عشقت بنتك

واحلفه ميت يمين

واجري علي حضنه وابكي

ومن نار الحب تشكي

وان طبطب فوق كتافك

دمع واعمل حزين

هتلاقي قلبه لان

ونادي علي الجيران

زغروته ياام ناديه

زغروته يا ام زين