وكالة الرأي العربي الإخبارية
/ من فضلك ايا وزير
————————
(زجل)
بالنقطة نبدا لكلام
من فضلك ايا وزير
ديرني ديما في بالك
لا اتكونشي طاغي جبار
لا تقول لي سير فحالك
سد الفم لسانك كلو عار
شكون نداك من جابك؟
من لبسك….لبسة لوقار؟
*السرج للبركي و الزين الباهي.!
خليك انظيف ياهذا!
من فضلك ايا وزير
ديرني ديما في بالك
لطف الله حكمت الاقدار
سرتي حاكم في ايامك
البرلمان قبة اخيار.!
فصل فيها احلامك
زيد اركل ايا مشرار
شوف الاموات امامك
لا مشفى و لا سبيطار
راه الحال من افعالك
و الطرقان كلها مزرار
رقع شوية من مالك
من فضلك ايا وزير
ديرني ديما في بالك
يا وزير….قلنا مسرار
اموال الشعب في جيبك!
خذ الخيرات….خذ البحار
حثى البقر……سار ديالك
بيع المياه…………ايا شفار
*على القنينةقريت عنوانك.!
يا وزير.. و.. يا مختار
دك اللحم في اجنابك
افريقيا…..رمز وشعار
كثرو……فيها خدامك
لا تبيع….سورات الدار
فيها ورثي مع اخوالك
يا وزير شيطان مطيار
*اكليتي حقي مع اعمامك.!
طوقتي لحمامة بكل الحبال
عنقتي السهل انسيتي الجبال
دير فالارض كل الافعال
غدا ايجي فيه احسابك
*راه لحساب احساب احسابك.!
قبل منو حسابات دازوا.!
لكن………فين الملفات..؟
راه الجرار ولى يحرث
فارض…الفلاحة الكبار
الوردة تضرب بالشوك
القنديل اعمش ايضوي
لكتاب…….أغلق صدرو
العود……….باقي يجري
طوالت السبولة بلا حبوب
زيد من عندك او تعرف.!
اسرارنا عندك معروفة.!
أسرارك عندنا مجهولة.!
راه الميزان……ديما مايل
كعد الميل…بشي دعوات
*صروف الميزان ضاعت خطفة.!
العابد عبد الرحيم:12/08/2018
ملهمتي الفقيه بن صالح.
