هْتَفْ لِيا حْبيبْ…زجل بقلم محمد حديش

¤زجل¤

♡هْتَفْ لِيا حْبيبْ♡
~~~~~~~~~~~

هْتَفْ لِيا حْبيبْ يْوَدَّعّني
رَاحَلّ يّزورّ مَشْتاقْ
مّقامّ مَعْشوقي سِيدِي
بُوفَاطْمة نْبينَا المّجَدْ
تَحْرَگَ گلْبي مَنْ نُورْ
شْواقوالضَّاوْية وَْدَمْعَتْ
عَيْني فاضَتْ قَطْراتْ
مْوَحْشة نْسايْمْ دَوْحَاتُو
أَسيدِي يارَسُولَ اللهْ
حَرْفي فِي ذِكْرْ إسْمكْ
شَادّو حَالُو مْجَدَّبْ
عاشَقْ فَ وْتارْ سيرْتَك
المّعَطْرة المَسْكَية الغالْيَة
أسِيدي حْبَسْني لِْْزِيَّارْتَكْ
ضُعْفْ حَالي مَالْكِتْ جَهدْ
نْدَعَّمْ رْكاني نْزورَكْ
رْجَايا فَ مولْ الجُودْ
السْخِيْ سُبْحَانُو يْحَقَّقْ
رْجايا نْزورْ الْمَقَامْ الشْريفْ
وَنْطوفْ ب َالبيت’ العْتيقْ
گْبَل مَا تْفيضْ رُوحِي
لْرَبْهَا الْعاَلِي الكريم

ب͠ق͠ل͠م͠ م͠ح͠م͠د͠ ح͠د͠ي͠ش͠
م͠.ج͠.ح͠
28\01\2017