وكالة الرأي العربي الإخبارية
/ وا اااااااااااالزوهرة
———————– (زجل)
وا الزوهرة انااا ما عندي ازهر
ليك نشكي ليك انعيد حكايتي
خليها مرسومة تبقى للدهر
وا الزوهرة انا ما عندي ازهر
راه بنت الباشا حاجبة ااالزين
راها امفرقة الخوف فالزناقي
طلي طلي ااانكحل ااااعيوني
يا زينة لحروف مربوعة القد
طلي راني في سوق الخرفان
طلي من شق االباب او غمزي
راه ريحك يوصل الغمزة عندي
صوت ااااشفارك لحن يطربني
شفتك صورة في قلبي ساكنة
لا تحشمي لاتنزلي خليك الفوق
خليك ثرية خليك كمرة بهالتها
قالواا بنت االباشا
في
مراكش بالكوتشي
رشوها بالريحان
رشوها……بالورد
رشوها……بالزهر
وانا يا الزوهرة ما عندي ازهر
بنت االباشا فاالمدينة خارجة
لابسة لحرير مطروز بالسقلي
هازة خيزران والكراب يسقي
خليك حورية وسط الحوريات
خليك في بحر لهوى والموجات
يطلق الله اسراحي و اانجيك
وا ااالزوهرة زوريني زوريني
الى متت زوري قبري أاحسن
رشيه بادموعك او دم المغدور
فرقيني ااشريحة و ااتمر
رشيني بالحنة و الريحان
خذي حجرة من احجاري
حجرة من…قبري تحميك
الى اكثر االشوق ااتنسيك
أنا ما عندي اااافراق عليك
عايش في اخيالك سجين
: 17/09/2020
ملهمتي الفقيه بن صالح وكوفيد19
