وكالة الرأي العربي الإخبارية
/ و أاااااااااااااااخرها
————————–/
( اعلم اخي حفظك الله)
(زجل)
فينك ياطايرة بلا جنحين؟
فينك يا….الواخدة لخوت؟
يا الداخلة قصور الملوك!
يا داخلة للديور بلا شوار!
يا المسافرة بلا تأشيرة !
يا االحاكمة بكل قانون!
مسوية كفوف الميزان!
*فينك يا مشطة
—- يا —-
امقادت االسنان؟
فينك يا راحمة بنادم؟ انت يا الخالعة ابنادم؟
فينك يا اخت الناس؟ فينك يا عدوة الناس؟
*فينك يا الخالية الديور لكبيرة
دار ابدار؟
فينك يا الشهبة؟
فينك يا الكحلة؟
فينك يا البيضة؟
*يا لمخلفة ااااالدموع
دموع باشقاف الفخار.!
يا الداخلة لدروب
الفقارة
يا لمخلفة ليتاما.!
يا الحاشة بلا منجل!
ياالقااطعة بلا منشار!
ياداخلة لدروب المدينة!
يا الساكنة حارة بحارة!
يا حاكمة الوزارة
يا الساكنة الهوااا
يا حاكمة الكون!
يا الراكبة سيارة
يا الراكبة طيارة
يا قاطعة لبحور
يا ساحقة الذكور
يا لمحوزة البنات
يا الساحقة قومان
يا عاشقة بلا حب!
ياالساترة لعيوب
يا ضامٌة بلا قلب!
*ياالقابلة بلا اجر
يا اللايحة لفلوس!
*يازينة بلا شوف
ياخايبة بلا صورة!
يا القابلة…..بالشهادة!
يا واخدة بلا اشهادة!
صليوا صليوا ركعوا
صليوا صليواخشعوا
صليوا صليواصوموا
الدنيا دنياكم فانية! رجوعكم لله واجب!
ارجوعكم لله ثوبوا
( لكم اجر وثواااااااااااب
فاعلم اخي حفظك الله)
العابد عبد الرحيم:14/05/2019
ملهمتي الفقيه بن صالح
