وكالة الرأي العربي الإخبارية
يالا هناك
قصيده عاميه
********
ومن زمان
نقشت صورتك ف الحشا
لكن انتِ كنتي مطنشه
وعشقتي دُنيا مزهزها
وركنتي حسك ع الرصيف
ورفضتي عيشتي كلها
مع إني كنت باعشقك
واتمني نظره من عينيكي
لو صُدف
أنا كنت عاشق دُنيتك
عاشق لصعب ف سِكتك
لكن عشقتي للخداع
وَهم وخيال ف لمتك
رُحتي عشقتي للخيال
الحزن جالك سَكتك
قلبي عليكي اتحرق
ف بحور همومه راح غرق
والعين دموعها زاد سيول
كسرتي ليه فيَّا الأمل
وفتحتي جرحي إللي إندمل
وعزفتي ليه لحن الخداع
ضيعتي ليه أيام هنا
ومشاعري كانت مُعلَنه
ورضيتي كلمه مزوَّقه
ومشيتي خلف الخداعين
ورسمتي ضحكه مزَوَّقه
لما الخداع حسيتي بيه
جايه تقولي وتندمي
ونسيتي كل الذكريات
ألام وصوتي والأهات
يالا هناك عني إبعدي
يالا اندمي يالا احزني
علّي بصوتك واعلني
إنك خسرتي سِكتك
ماعتش ينفع كل دا
ولاحتي يشفع الندا
اصلك نسيتي المبتدا
والرجعه جات متأخره
كلمات/ محمد حسن فرغلي محمد
