وكالة الرأي العربي الإخبارية
يا اين وطني
شعرعامي
****
كان زمــان صاحبي سعيد
في المـروءة كــريم شديد
جه وليد ف زمـــــان كتانيا
خيبه شــــــامله وده أكيد
ولا جــــــــارنا فريد عزيزي
لما اشـــــوفه يهدا غيظي
أيه ياعـــــــــــم حالنا ماله
كل حــــــــاجه إبقي إيزي
طب ومـــــاله كن بسيــط
بس أوعي تكون عبيـــــط
تلقي نفــــــسك هيلا بيلا
أو دمــــاغك جـــوه حيـــط
نفسي نرجع تاني لمــــه
ننسي كل هموم وغمـــه
والقلــــوب صافيه ونقيــــه
والعــــــــرب يتلموا أمــــه
والسيــــــــــاده لينـا تاني
والشـتات راح يبقـي فاني
قدســــــــنا نحمــي ثراها
والبهـود ترجـــــــــع تعاني
أرضنـــــــا نحمـي ترابهــا
قدسنا نمــحي عــــذابها
والصدور ســـــــد منيـــع
نصرنا يمــحي ضــــــبابها
ليه نخلي الكــــل فُــــرقه
قسمة خابت كل فـــــِرقه
والطمع سَـــــوّد قلوبنا
والضــلام ف كل طــــــرقه
أهل غــــزة مـــــــن دمانا
كلنـــــــــا نعـــــــلي ندانا
أيدنا واحدة وقلب واحــــد
إتحـــــــــــــاد هـــــو ندانا
ننســـي منـــا إاللي أذانا
وإللي بالتخـــريف رمــــانا
والصفوف يكمل عــــددها
مننا هيخــــــــــــاف عِدانا
مرة تانيه أشوف صحــابي
وأرضنا خـــــــــيرها نحابي
يابن سوريا دمـــــــي ليك
وابن طني هــــــات ايديك
أرض غـــــــزة علينا غالية
ليه ترابها يهـــــــون عليك
يابن وطني عنــدي غالي
فرحتك كـــــــــــــل أمالي
نفسي أزورك كل ســاعة
نفسي اضمك بابن خالي
نفسي ننسي اللي ضاع
واللي خــــــــان لينا وباع
والسفينة تشيلنا صحــبه
الاتحاد أقــــوي شـــــراع
كلمات /محمد حسن فرغلي محمد
