غيواني…زجل بقلم أحمد لغدير

زجل ..غيواني
☕🎶☕
مـال الـصُّورْ مالْ
ٱنْزْلْ الـذّٓلْ وطـالْ
سـاح الذّٓم وسالْ
النخوة رشوة بالمالْ
إمتىٰ ٱنْرٓدّو البالْ
والقال تصير ٱفعالْ
🌿☕✍️
الـذّٓلْ بْدّٓلْ الحالْ
الدّٓال رٓكْبـو الهبـالْ
الدرهم صال وجالْ
سٓرّٓجْ كـلام الـعُذّالْ
الحٓمْلْ..
بْٱلْهٓمْ زٓادْ ٱثْـقٓالْ
الـحُلْمْ ..
ٱنْزْلْ وْلّلىٰ مْعْلالْ
ٱتْعٓوّٓجْ كِي ٱلْهْلٓالْ
والـسّعْدْ.. ٱلْكْحٓلْ
ٱهْزٓلْ وْ زٓادْ ٱذْبٓالْ
فالغٓدّْ …فْٱلْعٓدّْ
و فْالـتّٓسْوٓالْ …
….. ….☕☕
✍️ أحمد ح لغدير 29-12-2020