وكالة الرأي العربي الإخبارية
زجل
● كْلَامْ هَاتَرْ ●
وَ ذِيكْ النُقْطَة..
اللِّي فَيْضَتْ الْكْاسْ
مَا هِي مَحْسُوبَة
مَنْ نَتْرَاتْ كْلاَمِي
امْوَاجْ تَتْنَاطَحْ
مْعَ رْيُوسْ الصخور..
مْخَوْضَة اعْمَاقْ الْبْحُورْ
شَلاَّلْ تَايَرْ..
اللِّي دَاخْلُو مْغَامَرْ
هاتر..هُوَّايَا
كْلَامِي دَيْ حَالَمْ..
اسْدَاهْ مَنْجُوجْ
ألْوُانُو مَمْزُوجَة تَتْنَاغَمْ
مُولَاهْ وَقِيلَا زَجْالْ
يْرِيدْ يْقِيسْ حْرُوفُو
يُحُطْ الهَضْرَا بِالْعْبَارْ
عَنْقْ سْتِيلُوهْ “بِيكْ”
مَا هُو قَجَّاهْ رُبْطَة
وَلَا حَالْ اللْسَانُو
رَاكْبُو لَهْبَالْ
وَ غَا دَوَايْ مَسُّوسْ
يَزْدَحْ مِثْلْ النَفْطَة.
توقيع:
رشيد شرقان
.
