الزمبلك
ديوان ألام الأنين
********
دورك وجاي مش راح يفوت
طول ما للسان ممسوك سكوت
ياخسارة الامه اللي كانت
حاكمه أرض بعزمها راح منها
راحت خلاص ومخوخه
والسوس بينخر عضمها
ياعزها
مدفون مابين لعب الكراسي
واللي ناسي يقول لنا
عن أرض فيها ذكرياتنا وحلمنا
مسري النبي دول دنسوه
ياخلق هوه
ياغفلانين يامسطولين فوقو بقي
قبلتنا أولي ومغتصب هيذلها
فينك صلاح فين السيوف المشحزه
ولاالعرب تاهت خلاص
عايشه هيافه ماسكه فيها مركزه
طول عمرهم صحبة تفاهه تلمهم
وف قلبهم
اندس خاين
كل همه كان يفرق جمعهم
نال المراد
علشان إيمانهم كان ضعيف
والعزم فيهم اختفي
اصله ف كيانهم كان دا زاير
أو يدوبك كان مجرد برضه ضيف
والسيف اللي ف زمانه كان حسام
دلوقتي تاه ياحسرته
ماعتش اسم يلقبوه ليه يمسكوه
قلة فضيَ
أصل أتبني كبري كبير
هيعدوا فوقه للفضا
عمر أنقضي
والاقصي يشكي وحدته
ولاحد مره مد ايده
وقال هرجع عزته
راحوا اللي كانوا همهم هيحرروه
اللي اتعدم واتضحي بيه
ياخزينا ياذلنا
واللي اتقتل بعده البلاد
راحت ف فوضه عارمه
واللي عزيمته اتفرقت
واللي نسي واللي اتنسي
والمكنسه لمت جميع كل الرفات
ولاعتش فاضل حتي منهم ذكريات
أصل العقول تاهت خلاص
كل العرب متفرقه
مابين زعيم مابين امير مابين ملك
بس أتضح واللي وضح
حبة لعب
دول كلهم متحركين بالزمبلك