أخر المستجدات
الرئيسية » أدب الكتاب » ببن الهوى والنار ….. زجل بقلم كريم الوردي

ببن الهوى والنار ….. زجل بقلم كريم الوردي

قصيدة زجل بعنوان ( ببن الهوى والنار )
….. يا الزين البلار….
خليتيني بين الهوى والنارْ….
نتسنى فيك كل نهارْ….
وقتس رجوعك الدار
….. يا الزين البلارْ….
بقيت بين النار والغرامْ….
المحبة تزيد فيك طول العوامْ….
نشوفك بين الكمرة وسط الزحامْ….
هذا ما كان في مقامك….
…. يا الزين البلارْ….
ليك غنيت الملحونْ….
خُدِينِي بين قطبانك مسجونْ….
نعطيك العاهد ما نبدل اللونْ….
خودي مني الصّْفَى موزونْ….
شحال قدني نكتب لك وانا مغبونْ….
…..يا الزين البلار….
بين صفيحت الخشبْ….
نقش من حروف معزوفَة….
ليك المحبة والغرام مولوفَة….
لعيتي نهزك فوق الكتاف مخلوفَة….
نشعل لك من شمعت زمان ظروفَة….
…….يا زين البارْ…….
تجي عيني فعينيك الزمان يوقوفْ….
رجلي تفشل وقلبي يدق دق مخطوفْ….
العين تشم ريحتك يا زين الحروفْ….
هذا ما كان في مقامك زمان صروفْ…..
….. يا الزين البلار …..
من قصيدتي تهبط دمعَة….
تقطر قطرة بقطرة من الشمعة….
تسرح بين طريق وطريق الوْدِيعَة….
شتاء وخريف وصيف وَرْبِيعَة….
الاخبار سرحت في الودن سْمٍيعَة….
اخديتي من عقلي حرف رفيعَة…..
….. يا الزين البلار…..
فضلتك على كثير من الخُّوتْ….
تعاهدنا ما تفرقنا غير الموتْ….
كون نْعَقّْلَكْ على اخبار نقولك سكوتْ….
ما كنت ناوي الفراق يكون مشموتْ….
خليتيني شفاية بين قبايل الغوتْ….
معاك كنت ناوي النية وَمْصَفِّي المروثْ….
ما كنت عارف يخليني نتضر مبغوتْ….
……..يا الزين البلار….
نشوفك بين وبين عينين كاسِي….
نُوزَنْ لك نقرة صافية تخلاصِي….
شكون من غيرك هدم ساسِي….
لبنيتو سنين راح بين رياح دراسِي….
هذا ما كان في مقامك حفتي نحاسِي
….. يا الزين البلار….
علاش يا الشجرة تلومي فالفاسْ….
وانسيتي انتي هذيتيه عطش من عطاشك غراسْ….
هاذ القصيدة مكتوبة من محبت زين الفْرَاسْ….
هذي لمقامك نهار يضربك شكوك متنس حسْ….
……. يا الزين البلار…….
بقلم / كريم الوردي / 30 / 5 / 2021 /

اضف رد

لن يتم نشر البريد الإلكتروني . الحقول المطلوبة مشار لها بـ *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.