وكالة الرأي العربي الإخبارية
بمشارف
رؤية ماهش واضحة
وغضون أحلام مش مفهومة
وعلى متن ايقاع ضايع عوده
في وتر أشياءنا المرسومة
أنا سابح وبلَوش ع السطح
إني أفهم حاجة !!
أكيد ما حصلش
شكل البراكين دخلت فجأة
قلبت على شُعب المرجان
وأنا م الاخر بأه مش عارف
توقيتي ولا عارفلي مكان
فيا كل الكورة الأرضية
مش عارف طولك من عرضك
فعلاً دي الفجوة الزمنية
وأنا جوا غلاف ولا في أرضك
هو حَبَك يعني يقوم زعابيب !
وتراجعي مقرر في محاضرة ؟!؛
# اسماء عبدالله
