وكالة الرأي العربي الإخبارية
/ حبيب اااااالقلب
============/
(خاطرة زجل)
كل واحد مع احبيبو سار غادي
ايبات سهران طول الليالي
فالعين يجبر راحة القلب
ايغازل رموش العين وحدو
بالسوالف ايكيد نفسو لا اتهيج
ايعنق تعناق طال وحشو
يرمي بدراعو وين حب الخاطر
ايغازل بكلام هذاك حظو
ايحاول عليه كاس البلار لا ايضيع
ولف الدنيا زين الى طال وقتو
تسعد الدار بتريكة و اتزيد حبو
من كل البلية فارغ يسعد ناسو
عبد الرحمان انظم كلام الله ايرحمو
في وقت ازمان كان لو حاجة
الله يرحم كل عاشق كان ولهان
كان الحب بين لقلم واللوحة كافي
ولو ايجول ايام يرجع العشو
كانت لطيار اتغني بلا اعراضة
كان لكلام احلو بلا زيادة
كانت الروح للروح عشق دايم
سولت ناس الغيوان هاكذاك قالوا
يا حليل يا خليل فين غادي فين
خليك امعانا يا تاج حثى انقنعو
انشربو كيسان الحب كل المرة
انزيدو حلاوة الدنيا بكاس المحبة
لا تضحكو سيروا هذاك حبي
غدا عندنا ميعاد فالجبال انفرحو
لقدم عالقدم انشطحو انرقصو
من طيب خبزو كان ليه وحدو
من طيب خبز الناس مشروك
الله يفتح بالفاتحة علينا كااااملين
لا اتزيغ العين تخرج على احكامي
صليوا على النبي العدنان دركوا
غير اقصيدة هذي امشات اقوال
الله يرحم فينا كل العاشق داز وقتو
الله يرحم الروح احنا بالجنة انفرحوا
كل واحد فالدنيا يوم ايسير قافل
سعدات فاعل الخير عنو ما اغفل
العابد عبد الرحيم خورفكان: 24/07/2019
الفقيه بن صالح تكتب كالعادة.
