أخر المستجدات
الرئيسية » أدب الكتاب » عندي دُنيا..عامي بقلم محمد حسن فرغلي

عندي دُنيا..عامي بقلم محمد حسن فرغلي

شعر عامي
——-
عندي دُنيا
*******
عشقي ليكي شئ جميل
عشقي مالهش مثيل
ابقي تايه لو عينيكي
منها يوم دمعه تسيل
اصل عشقي جد ليكي
مش تسالي أو بديل
كلّ نبضه ف قلبي ليكي
بتناديكي ودا الدليل
نظره ليّا من عينيكي
بتمحي ضلمه في أي ليل
ولابسمه من شفايفك
زي شهد بنهر سيل
الهموم تملا حياتي
لو ف يوم جسمك عليل
والقصايد عندي تايهه
والكلام عني يميل
وابقي نفسي ألاقي ضحكه
لو هاشق المستحيل
وابقي أبحث عن دواكي
لو هالف الألف ميل
وادعي ربي يخف عنك
والمرض عنك يشيل
وابقي أكرر في دعايا
لو هاكون عنك بديل
أصلك انت عندي دنيا
لو تغيبي اعيش ذليل

اضف رد

لن يتم نشر البريد الإلكتروني . الحقول المطلوبة مشار لها بـ *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.