وكالة الرأي العربي الإخبارية
بقلم / هلال جلامنه
في عيني ألف دمعة
تجري على طرف الخد
يبتل الجفن والدمع يسعى
تنبل والدمع ع راحة اليد
حتى الليل تنوره شمعة
ونورها ما يفيد أي احد
شلون اقدر بيوم أنسى
من لروحي يريد يهد
ليه منك العذاب ألقى
وقلبي بين لين وشد
قصتي ما تلقاها باي طبعة
ليه ما لقى منك أي رد
طلعت بالوفا ما تسوى
حين بديت بالهجر والصد
الدمع بالعين إلزوم يهدى
مين يقدر للدمع يعد
شتريد مني حتى ترضى
تقول راح المزاح وجه الجد
ما لقيت مثلك حين تقسى
كافي مات بيك الود
ما تقدر تغير بيك السمعة
ولا تقدر تحط أي حد
تريد غصب بآهاتي ترقى
وأهاتي ما تطلع مني أبد
الندم يطلب منك تصفى
والصفا يقول بيننا سد
مدري شلون تقدر تغفى
والألم بيا يطول ويمد
مع رحليك القلب يهدي
والفرح لأسمك تراه ضد
