كانت اغزالة.. زجل بقلم العابد عبد الرحيم

/ كانت اغزالة
——————-/

هاته قصة امرأة من نساء العالم…كنت اعرفها.!
الكل يعرفها انها بشوارع المدينة

(زجل)

*مسكينة غذرت بها الايام.!

كانت……حاجة اوشان
كانت اقطيب الخزران

كان الغادي بها
كان الماجي بها

*مسكينةخرفت سارت اتردد كلام.!

سارت تركع…….واتناجي
سارت تحكي و اتحاجي
كلامها سمعوه الصبيان
كلامها……ردداتوا لوطان

*مسكينة تطلب تتوسل لعل وعسى.!

شي قلب احنين ايواسي
شي كبدة عليها أتقاسي

تعرف بدواير الزمان
تعرف الحاجة بالمكان

*مسكينة قالت كان عندي او كان.!

كان سيدي سلطان
قومو قوم الشجعان

كنت اغزالة نخطف النظرة
وردة اذبالت زهرةمع الايام

*مسكينة تحكي و الحسرة فالقلب.!

تصبح و اتبات اتنادي لشواق
تصبح و اتبات تنادي العشاق
انا اللي كنت…..حاجة اوشان
انا اللي غر- بي غر- بي الزمان

*مسكينة مولات القصة كانت جارتي.!

غدا نحكيو قصة عمتي
غدا نحكيو حكاية الغول
غدا ايسافر بنا الخيال
كل واحد يحكي قصتو
كل واحد يشرح وايقول
غدا نحكيو الحال للحال

( حكاية الحال للحال حكاية الزمان للزمان
هناك نوع من الغرابة أليس كذلك.؟)

العابد عبد الرحيم : 18/01/2020
ملهمتي الفقيه بن صالحالمغرب تكتب للجميع