وكالة الرأي العربي الإخبارية
خاطره ……
#نصيحة
ماتخافيش من قلبه يهرب:
الكلام وقت الغضب ما هوش حقيقى !
ما تخافيش من حبه يتعب:
ازاى وكل حاجه فيه لساها بتقولك
إنك نهاية سكتى ‘ إنك طريقى
هو بس عاتب على الخوف اللى فيكى
عاتب على كل الليالى والساعات
عاتب على الوقت اللى فات ‘
محرومه عينه تشوف عينيكى؛
متسلميش إن الحكاية وصلت خلاص للفصل الأخير
وإن الأميرة مابقتش حاسة بالأمان ف بعاد الأمير ‘
متسلميش الراية للخوف والظروف ‘
ادخلى الحرب لذاتك
اكتبى بداية حياتك ‘ من جديد
خليه يشوف
خليه يحس التضحية فعل ومحاولة
عمر المشاعر ما كات كلام
خليه يحس الإهتمام :
يجرى عليكى يحضنك
من غير كلام سكوته وحده يطمنك. … إنه باقى
وإنه عاشق وإنه راشق ف الحكاية مهما كان
بايديكى أنتى اكتبى ان اللى راح من عمره هو :
ولا حاجه جنب ساعة واحدة جوا حضنك ‘
الحقى الباقى فى عمره صدقينى
هيجى يوم وهتندمى على كل حاجه
يمكن كمان تخسرى نظرة عيونه ليكى بأحترام
#الطيب_عوض_أحمد
