وكالة الرأي العربي الإخبارية
اكتب رساله لابني الغــــــالـــــي ..يـــا قمر عالي روحي بتستناك
بستناك يـــــــا نظر عيني بستناك..لو دهري الـف بالاف ما بنساك
سافرت مــن عــــــام بربي حـرام ..يا ريت الايــــام تجمعني ببهاك
حبــــك يــــــا ابني ع الصدر مبني ..لو تعذبني راح ضاني اهــــواك
احملتك بهمي دمــــــك من دمي ..احكليلي يا امي بروحي بفداك
خبريني شو صار بلكي تطفي النار..مليت من الانتظار ع بعد جفاك
بغيابك يــا عين الساعه كنها سنين..قتلني الحنين تع خذني معاك
خذني ع الاغــــــراب ع بلاد الاجناب..بتحمل عذاب بس ابقى وراك
مطرح مـــــا بتروح لعندك راح روح..يا مرهم الجروح ما احـــــلا دواك
تعــــــــــــــال لعندي تتنام ع زندي..ايام بتعدي والدهــــر انهـــــاك
خذ الرساله لابني الغالـــــــــي ..يرجعلي طوالي احكيله بتستناك
مـــــن بعد اسبوع وصلته الدموع..قرر الرجــــــــوع لعند المــــــلاك
بس وصـل المطار وشاف الانتظار..ابن عمــــه حـــــار سلم بارتباك
وين راحت امي يـــــــا ابن عمي .. بفديها بدمي وبكـــــل الاملاك
اختصر الجــــــــواب قلبي بالتهاب..ذكـرت بالخطاب روحي بستناك
مـــــن قبل يومين اسمعت الانين..قتلها الحنين على بعـــد جفاك
الــــدهر كذاب طول عمرها بعذاب..لـــــوتحفر التراب بتلاقي بغياك
مـــــا بتنفع الدموع لو كانت ينبوع ..اللقا ممنوع هاي حكمة مولاك
قبل مــــــا تفارق هالعمر الحارق ..قالت يا طارق ارضي اللي رباك
ازرع الارض واحفظ العــــــــــــرض..ولا تنسى الفـرض الجنه مثواك
وبــالاخره بلقاك راح ضلني استناك..بستناك يا نظر عيني بستناك
بقلمي
شعر شعبي
زياد اسد الحمود
