الرئيسية » أدب الكتاب » يا زريف الطول.. كلمات بالعامية شعر علي محمود الشافعي

يا زريف الطول.. كلمات بالعامية شعر علي محمود الشافعي

يا زريف الطول
كلمات بالعامية الفلسطينية
على اللحن الفلسطيني الشهير
***
يا زريف الطول وترجم يا قسام
لابو عبيدة وصلو السلام
ومحمد الضيف فارسنا المقدام
ولابو إبراهيم فخر بلادنا
***
لسرايا القدس بالباع الطويل
على البطولة بتعطيك الدليل
عنك يا فْلسطين ما نرضى البديل
نفدي فلسطين يدم قلوبنا
***
يا زريف الطول دربك ع جنين
أرض البوطولات ع مر السنين
ع تراب القسام غز الرياحين
ولا تنسى شيرين فخر اعلامنا
***
يا زريف الطول يا دويري حلل
أفكارك يا خوي رتب وسلسل
لتخلي المحتل بمبرزه يبلل
والله تحليلك بشفي صدورنا
***
يا زريف الطول أنقل يادحدوح
خبر هالدنيا عن شعبي المذبوح
بلكي تلاقي قاوب بتداوي لجروح
تجازي المحتل وينصف شعبنا
***
عرج يا زريف عالشجاعية
ولرجال القسام بلغ تحية
ولسرايا القدس أهل الحمية
وبشهداء الأقصى نرفع روسنا
***
يا زريف الطول يا حوثي المغوار
راعي الصولجان. السيف البتار
من أرض فلسطين لَ يمن الأحرار
بيكم يا إخوان نشد ظهورنا
***
يا زريف الطول سجّل يا زمان
عَ اللي باعوا الدم بابخس الأثمان
واللي تآمروا ع حقوق الإنسان
واللي ناصروا عــــــــدو بلادنا
***
يا زريف الطول يامّه اندهي له
طل المجاهد يا أخته غني لـــــه
لو يطلب الروح روحي بهدي له
ترخص للأوطـــــــــــان كل رواحنا
علي الشافعي

اضف رد

لن يتم نشر البريد الإلكتروني . الحقول المطلوبة مشار لها بـ *

*

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.