يدوم الشعر….. بقلم الشاعر عونى هشام…. وكالة الراي العربي..

توطى الواطى وتعلى الكريم ف الدور

تكون السيف على الظالم وماتخافشى

ساعتها الضلمه وياها هتقلب نور
………………………………
يدوم الشعر لو ترس ف سواقى تدور

تسقى الزرع وتخضر اراضى البور

تشوف شجرة بتطرح ظل فى الصحرا

تطيب خاطر الفقرا عشان مكسور
………………………………..
يدوم الشعر لو حرف فى سطر كتاب

يزيد الحب فى الامه بغير حساب

يكون دافع يكون شافع فى وقت الضيق

يشق طريق امل بكرا مع الاحباب
……………………………….
يدوم الشعر لو يكشف فينا الكداب

تكون ابياته مفتوحه ما تقفل باب

تمسح دمعة المسكين تصحينا

نلاقى ضميرنا عاد لينا وبعد غياب
…………………………………
يدوم الشعر والشعرا ونعود للمجد

بسيف بتار من الاشعار حامى الحد

لابينافق لا بيخادع ولا بيخاف

وفى الشده يكون فاصل بحق وجد
……………………………….
يدوم الشعر وقت السيل يكون السد

يخزن مطره فى احضانه تفيد الغد

تسقى الطير يزيد الخير فى قلوبنا

ننسج بالامل توبنا تعبنا بجد
………………………………
ويغور الشعر لو شاعر فيكوا بوشين

يبع نفسه يبيع حاله التمن قرشين

بيمسح جوخ ويوقع مابين الناس

بدون احساس بيفرق مابين حبيبين
………………………………………
يغور الشعر لو كاتب هنا فى الدين

بفتوى يقولها ويخلى الشعوب نصين

تزيد الفجوه مابينهم ويبقى خصام

مع الايام تكون فتنه وتعمى العين

يدوم الشعر

==== =======
#عونى_هشام