وكالة الرأي العربي الإخبارية
نثيرة شعرية
آه يارب
هل هلال مسيرة الفتح
وطاحو دموعي وتفكرت نداء الحسن
ملي گال نوضو نتجمعوا
ونمشيو نزورو خوتنا فالصحرا
سلاحكم القرآن هو الساس
لا بارود لا تضربوا قرطاس
جايين نصيلو الرحم
كيف ولاد الناس
مشيت نجري للقيادة
حبسني عند الباب مخازني
گألي مالك تجري وريوگك طايحة
سخفان وحفيان
فين صندالتك ؟
وآش جاي دير
گلتلو جاي نتقيد
بعد مني حيد
شدني وباسني شلا بوسات
وگالي لكبار دارو اللازم
ونتا بلا متخمم
گلتلو تانا كبير فحب بلادي
بغيت نمشي عند جدادي
فثنين السلطان ولحمادا
والحجوي وزلمو
وكل ما الصحرا تلمو
دكتور بوشعيب سايح
يتبع
