وكالة الرأي العربي الإخبارية
أحسن إختيار
شعر عامي
*********
بين عينيكي بالقي دايماً
كون بحاله
بالقي نجمه نورها ساطع
بالنهار
فوق رموشك خط عمري
حلمي كله
تشمليني بين ايديكي
كف ايدك الحنين
لمسه منه
سرعت ف القلب نبضه
ولعت ف الجسم نار
من شفايفك خمر يسكر
لما باشرب منه مره
عمري ماسكر
بس احس بنفسي طاير
زي نجمه تبقي سابحه
ف المدار
ولا شعرك لونه الاسمر
فردته زي الحرير
والسنان بيضه ومرمر
عطر منها يفوح عبير
لما اقرب لحظه منك
بالقي ضي ف نن عينك
والورود زاينه جبينك
الاراضي الجافه تنضر
والزروع بتزيد خضار
ولاهمسك اه ياهمسك
لما باسمع حرف منه
زي غنوه اللي قالها
انطرب اللي سمعها
روحه دابت من حنانها
حتي قلبه منه طار
لما تمشي بالخطاوي
تحت منك ارض ترقص
والتراب عمال يدندن
والطيور لما تشوفك
تبقي زايده زقزقتها
زي لحن جميل بيطرب
تبقي تحكي مابين جموعها
لما تسرح ولرجوعها
عنك اجمل الحكاوي
والخراب يصبح عمار
ولانظرة من عينيكي
الحديد قوام يلين
تبقي نار الكور بتصهد
يبقي زايد الانصهار
كل ناس الكون بتسأل
اللي عاجبك ايه وفيها
اي واحده هتلاقيها
زي ست ف اي دار
قلت عنك دي غزال
لما قلبي يشوفها ماشيه
وهي سايقه ف الدلال
من ضلوعي ينط يجري
ابقي اقوله تاني ارجع
يبقي رده شئ محال
مين يسيب الحسن ماشي
مين هيبعد ع الجمال
اصل هي بس عمري
هي احسن اختيار
بقلمي/ محمد حسن فرغلي
